«ادام كاپيتالى ەلىمىز دامۋىنىڭ باستى شارتتارىنىڭ ءبىرى. ەلباسىنىڭ «بولاشاققا باعدار رۋحاني جاڭعىرۋ» باعدارلامالىق ماقالاسىندا ايتىلعان «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى» شەڭبەرىندە شەتەلدەودەگى ۇزدىك ۋنيۆەرسيتەتتەر وقۋلىقتارى نەگىزىندە 17 وقۋلىق ازاق تىلىنە اۋدارىلىپ, ستۋدەنتتەرگە ۇسىنىلاتىن ۋاقىت تا الىس ەمەس. بۇل قازاق تىلىندە ءبىلىم الاتىن ستۋدەنتتەردىڭ وي-ءورىسىن كەڭەيتىپ, ولاودىڭ تاريح, پيسحولوگيا, الەۋسمەتتانۋ, فيلوسوفيا, مادەنيەتتانۋ سەكىلدى گۋمانيتارلىق پاندەردەن تەرەڭ ءبىلىم الۋىنا مۇمكىندىك جاسايدى» دەيدى كونفەرەنتسيانىڭ پلەنارلىق ماجىلىسىندە بايانداما جاساعاننىڭ ءبىرى احاڭ اتىنداعى ۋنيۆەرسيتەت پروفەسسورى الماسبەك ابسادىق.
كونفەرەنتسيانىڭ پلەنارلىق ماجىلىسىنەن كەيىن كەلگەن زەرتتەۋشىلەر مەن عالىمدار سەكتسيالارعا ءبولىنىپ جۇمىس ىستەدى. سەكتسيالىق جۇمىستار «سىبايلاس جەمقورلىققا قارسى كۇرەس جانە زاڭنىڭ ۇستەمدىگى قۇقىقتىق قىزمەتتىڭ نەگىزگى باعىتتارى», «ەكونوميكالىق دامۋعا قول جەتكىزۋدەگى رەسۋرستىك الەۋەتىن ءتيىمدى پايدالانۋى», «كازاقستاندى تسيفرلاندىرۋ: عىلىم, ءوندىرىس جانە ءبىلىم بەرۋدەگى IT-تەحنولوگيالار», «اگرو-ونەركاسىپتىك كەشەندى دامىتۋ ماقساتىنداعى «اقىلدى تەحنولوگيالاردىڭ» ەنگىزىلۋى», «تەحنيكالىق عىلىمدار – قازاقستاندىق ءتورتىنشى مودەرنيزاتسياسىنىڭ نەگىزى», «مادەنيەت جانە يدەولوگيا «رۋحاني جاڭعىرۋ» باعدارلاماسىنىڭ نەگىزى» دەگەن تاقىرىپتار توكىرەگىندە ءوربىدى.
كونفەرەنتسيا شەڭبەرىندە جوو عىلىم مەن ءبىلىم بەرۋ سالاسىنداعى, سونىمەن قاتار قازاقستاننىڭ يندۋستريالدىق - يننوۆاتسيالىق دامۋ باعدارلاماسىن جۇزەگە اسىرۋ جولدارىن شەشۋگە باعىتتالعان وزەكتى ماسەلەلەر قاراستىرىلادى.
كونفەرەنتسيا بارىسىندا الدىڭعى قاتارلى قازاقستاندىق جانە شەتەل عالىمدارىنىڭ قاتىسۋىمەن سەمينارلار مەن دوڭگەلەك ۇستەلدەر ۇيىمداستىرىلادى.
ءنازيرا جارىمبەت,
«ەگەمەن قازاقستان»
قوستاناي
